Хуьлийла доттаг1а даимна серла,
Хуьлийла ийманехь дахаран некъ.
Хьостийла хьан дог сийлахьчу Дала,
Ца хууш кхаьрдинехь ма билла бекх.
Хан зама д1а йоду, шен болар эцна,
Г1алаташ ца долуш ца хуьлу некъ.
Амма хьо д1а тесна, цхьа минот яг1ахь,
Ма дойла Аллах1а и суна геч.
Дуьненан серло ю хьан дега доттаг1а,
Ийманех дуьзна ду къонахчун дог.
Вицвелла накъост, цхьа минот яг1ахь,
Детталучур социйла сан г1алат дог.
Даимна вехар вац дуьненахь цхьа а,
Х1оранна Аллах1а йиллина хан.
Хьайл хьалха къастина, дуьненах хадахь,
Ахь кош т1ехь дуьйцийла хьайгара хьал.
Доттаг1е весет
© Copyright: Хасан Маерсултанов, 2023
Свидетельство о публикации №123032908675
Свидетельство о публикации №123032908675
Рецензии