Гонаха хьоьжу!

Нах бодане  г1ертаран, муьлхуг ду-те бахьана,
Харцдерг ду хьоьстуш бакъдерг къайладохуш,
Къоман  ламасташ д1анислур дац техьа кхана,
Бохуш, гонаха хьоьжу кест-кеста дог ца дохуш.

Нохчалла йицйинчу, г1иллакх доцу тентакана,
Ма хедийла виран г1овг1а тишйеллачу кертар,
Дайн хьекъала леринчу, шен къоман к1антана,
Цкъа а ма  гойла, ирс а аьтто а уллера г1ертар.

Пхьуьйшахьа Нана йелхош куйнах Да велхош,
Нах хьоьгур боцуш харцхьа цхьаъ гучу валахь,
Бехха хьокх хьакха цунна божал чу д1атакхош,
Ишттар пхьунна меттиг йуь хьоьвдан к1елахь!

Хье йуьккъе седа берг а кхетура воцуш шалха,
ХIуьц-пIуьцIалгаш лелош, кура дозалла хохка,
Ахчанах эцабелла-бохкабелла сий доцуш наха,
Дуьненан х1уманах сихбелла, къинхетам бохка.

Декъазчарна г1елоннаш йеш харцоно 1эхийна,
Сутараллин лай хилла, меца энжед хьо велахь,
Тамаш ма бе-кх тишавелча къаналло такхийна,
Лала а вина вухвоттахь адамах тера ца хилахь! (С) 27.03.23.