Йиц йан йеза!

Йиц йан йеза!

Безамо реч1ане хьаьвна деш  урхалла,
Ойла ловза йохуш б1аьсте т1ейог1уш,
Йезаре дагар дийцира  эхьалла, халла,
Элира цуо, цуьрг а йац безамах йогуш.

Лаьара хаддош цунаха сиха дог дилла,
Буьйсана батте хьоьжуш наб ца кхетар,
Г1ертарах махуьлла, деган  шад билла,
Безамо г1айг1ане коьртачу вота йеттар.

Уосалалла йуь йезар шех ца йаьшнарг,
Дац зударех ма теша боху кица а харц,
Йиц йан йеза, ц1ена овташ хьаьшнарг,
Бен а ца хеташ хьовзадеш, дагчу дарц.

Шен инзаре чам бовзийтинчу, безаман,
Вас йолуш вац зеделларг а дицлур дац,
Амма, дарба лохуш цуо бинчу лазаман,
Вуоха а воьхна холчух1отта дагахь вац.

Безамо йуьха а лаг  лацахь деш олалла,
Корта хьовзош хаза б1аьсте т1ейог1уш,
Дог достур дац цхьанна а йо1ан, халла,
Хоттур ду йуьй-техь иза безамах йогуш.

Шераш уьду сихаха, шо шаре мел долу,
Кху дуьненахь, дукха нах дуьхьалкхета,
Оьшуш верг леха воьлча, г1алат а волу,
Хьашт доцу уьйраш хаьдча, хаза а хета! (С) 16.11.22.