Деринариз рик1ерин т1ар,
К1ани дуьнъя авур чаз дар,
Бубайрин азадвилин вар
Часпардава, лагьай хабар,
Зи Самур вац1, ви ятари тухурай!
Савадсузбурун мич1ивал,
Пехил вилерин пч1ивал,
Бязи мецерин харчивал,
Рик1ерин дарвал, гуьт1уьвал,
Зи Самур вац1, ви ятари тухурай.
Пайна лезгияр кьве патал,
Къурзавай хар халкьдин къавал,
Цацарин сим къванцин хурал
Алай сергьят - юкьни юкьвал,
Зи Самур вац1, ви ятари тухурай!
Зи Самур вац1, ви ятари тухурай!
© Copyright: Гасанова Гюзеля, 2023
Свидетельство о публикации №123032308863
Свидетельство о публикации №123032308863
Рецензии