Кьуд пад рукар, иер чилер
Михьи вац;ар, кьакьан сувар
Килигай кьван тух жеч вилер
Чи хайи хуьр, чи Хуьлуьхъар
Латан ятар, ларан векьер
Рукан к;арас, салун ичер
Цуьк ахъайдай гьяркьуь пелер
Кьил я рик;ин вун Хуьлуьхъар
Шумуд кIевер, шумуд ягъун
Ц;аяр, женгер ваз акунай
Тваз хьанач ви рик;е зурзун
Азадвал на вине кьунай
Хуьруьн юкьвал иер миск;ин
Къайи булах, къацу салар
Шадвални я, т;ални рик;ин
Зи хайи хуьр, зи Хуьлуьхъар
Виш йисарал сагъ амукьнавай
Душманд гъиляй чкIун тавур
Къе вун чна кьилди тунва
ЧIур жез физва мискIид абур
Физ алатиз йикъар, йисар
Атана хъфиз шумуд ксар
Гуз уьмуьрди залан тарсар
Эхир вуч я чи, Хуьлуьхъар?
Са чIав къведа - чун хкъведа
Бубад чилел, мелер хъийиз
Къенивални, мехъер хъжеда
Сад яз рикIер ягъаз кIевиз.
Джейхун Амирханов (Хуьлуьхъви)
21.03.2023
Хуьлуьхъар
© Copyright: Джейхун Амирханов, 2023
Свидетельство о публикации №123032208927
Свидетельство о публикации №123032208927
Рецензии