Мубаракрай яран сувар,
Гьар са к1вале хьурай бахтар,
Чи лезгийрин сагъ хьуй чанар,
Шадвилин квез хьурай хабар.
Яру ц1у гуй сагъвал мягькем,
Умуд фирай кьилиз бегьем,
Ч1уру крар хьурай верем,
Кьисметрай квез шуьше-къелем.
Ягъа макьам туьнт, кьавалар,
Цавуз фирай ц1ун ялавар,
К1анибуруз гуз саламар,
Бахтлу хьурай куьн, жегьилар.
Це дустариз бул савкьватар,
Яшлубуруз бес къуватар.
Хуьх гьар сада дегь адетар,
Гьайиф къвемир ширин гафар.
Яр къведа куз ярдин гъиле,
Яру жеда к1вал-югъ хуьре.
Няметар гъиз гьар са жуьре,
Шадвал ргаз гьар садан рик1е.
20.03.2023.
Яран сувар
© Copyright: Нажмудин Шихнабиев 2, 2023
Свидетельство о публикации №123032008213
Свидетельство о публикации №123032008213
Рецензии
