Рицкъ хьоьца цхьаьна доьлла, воккхаво,
Доглазаме кхоллам, хестабеш къайлахь,
Хазахетар д1аэккхош сингаттамо вохаво,
Хьо ца гуш цхьаъ даьлла а де д1адалахь.
Бала т1е а беъна г1айг1анаш хьовзавахь,
Д1атоьтту цатам хьан б1аьццара баьргаш,
Цамгаро човхийна ц1аьххьашха лазавахь,
Г1аттаво тешаме, хьан дарбанчаш-куьгаш.
Кхоьруш вац жимма а лаг лацахь 1ожалло,
1ахь сан куьг д1алацахь, са долучу хенахь,
Тешаш ву бовхачу, вайн безаман йовхалло,
Дохдийра ду шийла лахьта, дехачу г1енахь! (С) 09.08.22.
Воккхаво
© Copyright: Муса Вольф Айдамиров, 2023
Свидетельство о публикации №123031905602
Свидетельство о публикации №123031905602
Рецензии