Заз вун виридалай к1ан я, масан я,
К1анзни так1анз са вахтара хазва хатур,
Жемир начагъ,вун заз багьа инсан я,
Рик1яй ч1угурди хьиз жеда заз гапур.
Чав бахт кьазва, ч1угвамир гьич гьайиф,
Чарабурун хъвердини чаз гудач чим,
Агатда чавни бахтлу жедай са йиф,
Зи ериндал жедач гьич чара итим.
Залай вилик гьахьмир вун ч1улав суруз,
Ви гуьгъуьниз къведа зунни "гьай" лугьуз,
Заз герек я вун, къалурмир чин ч1уруз,
Вун амачирла зун квез я,шем хьиз куз.
Фимир чан дуьньядилай зун сагъ туна,
Эхиз жедач ви къамат заз такуна,
Вун рик1ева зи гьар йикъан камуна,
Твах зун гъил кьуна, тамир зун гъамуна.
Минет я
© Copyright: Нажмудин Шихнабиев 2, 2023
Свидетельство о публикации №123031608888
Свидетельство о публикации №123031608888
Рецензии