Стеган мах

Стеган мах ша хадийнарг бен кхин хуьлуш бац,
Г1иллакх  шеца делахь, дебо деза иза  денна а,
Хьолахо  дастаме хилча цуьнан сий а хира дац,
Бахамо лайх  эла вина  хезнаъ  дац цхьаннена а.

Кхана лийра волуш санна, саг1ийна х1ума луш,
Б1е шарахь дуьненчу ваха лааме, стигал хьежа,
Гергарчарна гучувала марахь совг1аташ долуш,
Шена кхаъ бахьаш цхаъ веача, пурстоп а къежа.

Оьздачу стаго шен ц1ахь а до г1иллакхах герза,
Хьошалг1ахь волуш санна, сатохам сема болуш,
Моли 1ахь олуш чами кховдош чуьрчунга мерза,
Шена а хи луш хилахь, х1ан-х1а, баркалла олуш.

Лараме къеначуьнца, жимачуьнца  к1еда волуш,
Орца доккхуш хезча, г1оьнча х1отта д1атассало,
Лулахойн вуонна-диканна хила веза бала болуш,
Доьналлин  диннах нуьйра тахка, д1ататта мало!

Йаьхь йолун оьзда нохчий, ирсе дукхабахабойла,
Сайн  къамел д1адерзош ала лаьа  шуьга, г1ийла,
Кура нус йедда бен шуьгара кхин дика ма г1ойла,
Сонта нуц велла бен шуьга кхин вон ма дог1ийла! (С) 25.11.22.