Наха хабарш дийцарха шорта,
Эрна къамелаш ца деза дукха,
Синтем лоьхуш хилча а корта,
Ца лаьара, нахаха лерг дукъа.
Цхьаммо, ца гуш дог1у дог1а,
Кегийра шена цахуург цуьрга,
Йахлуш маь1на доцу г1овг1а,
Ведира со, куьг цалуш цуьнга.
Шолг1ачо ша-шех воккхавеш,
Эвххьаза хьийзадеш дозалла,
Тидира дешнаш а ца кхоадеш,
Дег1ан пайден хилара озалла.
Майдане вахча, нахе ладог1а,
Даима а хеза-кх сонта хабарш,
Наб т1ег1ерта 1аламат ч1ог1а,
К1орда а дой, даьсса шабарш.
Ца лаьа, кхин эладиташ хаза,
Парг1атдаха деза сан лергаш,
Сийсара цхьа х1ума т1еххаза,
Дагадеъна, хьакхийна цергаш.
Суо аравалале цхьанхьа ваха,
Ойла йуь хабаршна г1уй бог1а,
Беза лергах болла бамба лаха,
Сацорхьама куьйлане г1овг1а! (С) 09.11.2022.
Бамба
© Copyright: Муса Вольф Айдамиров, 2023
Свидетельство о публикации №123031503845
Свидетельство о публикации №123031503845
Рецензии