Ненан мотт бийца, моссу а хенахь лаьар,
Т1ебожийна дестенан мотт 1амарха атта,
Зарзарийн эшарца, хезна болун дуьххьар,
Жовх1ар санна хаза мотт ас д1а ца татта!
Мела д1алуш Ненан х1ора 1уьйре йоьлча,
Хастам бо, аганчу дилларна деза совг1ат,
Нохчийн мотт бийца, улле цхьа а ца хилча,
Г1айг1ано дог доьхку ца доккхуш парг1ат!
Нана дуьхьала х1уьтту кест-кеста г1енаха,
Жен-нехчий сискалий шин буйнах йуьг1уш,
К1еда куьг хьокхуш, цхьалха сан коьртаха,
Бераллехь санна ловзош асар дан вуьгуш!
Маца йог1у-те хан хьоме Ненан маркхеташ,
Йуь из со йалцмане вар хьоьжуш ша йолчу,
Хьала вера ву стигал лаьтте б1аьрг бетташ,
Даймахкан гена мел волу, дог дужуш холчу! (С) 09.11.22.
Ненан мотт
© Copyright: Муса Вольф Айдамиров, 2023
Свидетельство о публикации №123031208704
Свидетельство о публикации №123031208704
Рецензии