Йиъ зуда

Лулахочун йиъ зуда йуь, кхаба уьш г1ерташ,
Кхаъ балхахь хьацаран дукъ цуо д1алаьцна,
Тхоьга веъча уьш болуш, ша сийлахь хеташ,
Дозалла деш пекъаро, дуьйцу  царах лаьцна.

Х1ора зудчунна ц1ерш, майрачо ша тиллина,
Хьалхара Аьхке йуь дов лоьхуш, бат а йесте,
Шолг1аниг Гуьйре йуь б1аьргаха хи диллина,
Кхоалг1а луьра 1а, йиълаг1а лепарг Б1аьсте.

Аьхке йуь сиха, ша т1ех хьаьдда шура санна,
Цуьнан чехкачу амалан  майрачо са ца детта,
Далахь оьг1азалла  г1аттош, жимма бахьана,
Керта къекъош мохь цуо, Аьхкенан тье бетта.

Шозлаг1а зуда Гуьйре, буса а, д1а ца йижуш,
Уг1анца гучу а бохуш мокха, т1еда дегабаам,
Дог1анан б1аьрхиш хуьлу 1енадеш, тийжуш,
Мелла а майра  караверзо хьулбеш  дегалаам.

Кхоалг1а зуда 1а йуь йовхонах гена йуьйлуш,
Чиллан бутт санна шийла а хуьлуш цкъацца,
Г1орийна кхача хьалхахь майрачун буьллуш,
Ша бина чайнан кад х1иттош ахьар хьовлаца.

Йиълаг1а, жимах зуда Б1аьсте йуь схьаийна,
Куьйгана говза, дагна ц1ена къамелан мерза,
Зезаго аре санна хазйина, цуо керт къагийна,
Хьог1анца эмгарш цуьнга резабоцуш къерза.

Т1аьххьар, ша хаза ц1е тиллин зуда  Б1аьсте,
Цхьаъ бен ца йеза курчу лулахочун билгалла,
Цунна бен ца хуьлу догойла, даима д1айасте,
Дикачу зудчо д1асг1атторна шен синдикалла.

Йиъ зудчуьнга хьийзадайта дог хилча а кийча,
Зурманца  лехча а ца кардо  тарвалар бертахь,
Ламанан наггахьлера зезаг  санна зуда  хилча,
Х1ун зовкх ду-те кхин а кхоъ летарха кертахь? (С) 15.02.23.