Жима волуш, кест-кеста баккхийчаьрга хаттар,
Муха 1алур ву ма-дарра бакъдерг ца дийцича?
Ца дезча х1ан-х1а баркалла, олуш, д1ататтар,
К1алд тессин ах1ар худар хьалхахьа диллича!
Б1аьрга 1оьттин п1елг гур боцу бодане 1аьржа,
Биъ уьстаг1 бигна лулахо, тебаш гира селхана,
Цхьаъ цуо схьабелира, сиха д1а-схьа хьаьжжа,
Пурба дац олуш цхьанга а дийца гинарг тахана.
Коре чухьоьжуш бакъдерг, сахиллалц дилхира,
1уьйрен наь1 йиллича, из г1ийла мара иккхича,
Эккхийна къуьнан кхаъ, цунах кура д1атуьхира,
Бакъдерг дохка, деши лохь а, вац аьлла кийча!
Эхь дайина тешнабехке, нах кхерза соьга гома,
Шалхончарца йуькъ меттиг, эт1а йо йуьткъаеш,
Ницкъ белар, ишшта нах хьокх ластош стомма,
Д1алахка цера ц1е йайин къонахий ц1е айаеш! (С) 25.02.23.
Бакъдерг
© Copyright: Муса Вольф Айдамиров, 2023
Свидетельство о публикации №123031208030
Свидетельство о публикации №123031208030
Рецензии