***

КХЬИЗВАТ1А…

Къелем кьазва бязибуру
Кхьида лугьуз квекай ят1ан.
Жем авуна фикир, кьат1ун,
Кхьиз ава ц1арар «хъсан».


Ватандикай кхьизват1а,
Адан агьвал ваз чизват1а,
Канивални ийизват1а,
Ттаб квачиз, ам кан я кхьихь.


Ирс авачир халкь авай туш.
Дегь тарихдиз гуз тамир т1уш.
Ирсни тарих хьанвай аруш,
Пун садзавай, тан я кхьихь.


Дидед ч1ал вич арифвал я…
Адан тартиб марифвал я.
Чир авунни тарифвал я.
Хайи ч1ал масан я, кхьихь.


Халкь миллетдин иеси я…
Миллет хуьн вич са «кеспи» я.
Векилдин крар ч1ехи я,-
Къайгъуяр кьакьан я, кхьихь.


Т1ебиатдиз вири  ава.
Чазни адан дагъ, гьуьл,.. гьава.
Тух тежер иервал авай
Зи женнет, макан я кхьихъ.


Чилер ава бегьер гудай:
Къуьл, мух, пурунз, гергер гуьдай.
Багъдихъ, салухъ гелкъвез авай
Лежбер кас к1убан я кхьихь.


К1валахарзавай  фяледин кар…
Шеъ гьасилиз, ялун я ппар…
Аван адаз къулай шарт1ар?!
Авачт1а, нукьсан я кхьихь.


Са халкь кьве уьлкведи пайна,
Юкьвай кьет1и часпар гьайна.
Вуч патал  эл  бизар-тарна?!.
Бат1ул кар дак1ан я кхьихь!


Ният михьи, гуьгьуьл ахъа,
Кхьинарзавай,  вахни стха,
Гьар къуз жезвай гьал-вакъиа…               
Рик1ин цуцрумд-ван я кхьихь!
Гьиссзавайд инсан я кхьихь!