Дош дашах лерина тоьгу.
Йуха уьш, тай хедий, оьгу.
Карадац малхаца догIуриг.
Со-м хIинца зарзарах хьоьгу.
Беснеш тIехь зезагаш лепаш,
Синбешахь олхазарш декаш
Йехийла, седанах тхуна
Боданечу суьйренца къежаш!
Ца долуш ирсан бен бIаьрхи.
Ца гуш дарц, хьовзаме, аьрха.
Мархаша стигал ца кхолайеш,
Лаьттийла хьан денош маьлхан!
Дош дашах лерина тоьгу...
© Copyright: Джамал Дударов, 2023
Свидетельство о публикации №123021401916
Свидетельство о публикации №123021401916
Рецензии