Гьеле уях хьанвач чил-цав,
Ачух хьанвач перде мич1и.
Экуьнин гъед,дамах гва вав,
Ракъинин нур кьуна жизви.
Рехъ къалуриз ракъиниз на,
Чархачи яз вилик ква вун.
Чил тирвал экв чук1уриз на,
Ракъин нурар к1ан я акун.
Ахварикай кудна вуна,
Йифди лал тир т1ебиатни.
Чубан гъед яз вун акуна,
Гьатна рик1е шииратни.
Дегь девирдин аллагьдин т1вар,
Ажеб кьуна ваз - Венера.
Зуьгьре гъед яз чи чилин шар,
Къужахдава ви эквера.
Гьикьван т1варар гайит1ани,
Яргъа ава вун, Венера.
На гуьгьуьлар хайит1ани,
Гъед хьиз ава чи рик1ера.
Сад я цава вун, Венера,
Вучиз гьатна зи вилера...
Чархачи бахт я, Венера,
Къекъвезвай чи чиг гелера.
Ракъинин чархачи
© Copyright: Нажмудин Шихнабиев 2, 2023
Свидетельство о публикации №123020807558
Свидетельство о публикации №123020807558
Рецензии