Я да гэтай пары не знайшоў маё месца ў свеце,
Я да гэтай пары ўсё шукаю яго па жыцці.
Пралятаюць гады і змяняюць усё на планеце
Толькі я ўсё хачу за юначаю марай ісці.
Падабаецца мне лад дзяржавы лагічны,
Дзе рашэнні без царскіх эмоцый прымаюць,
Мір, прагрэс, дабрабыт таму ладу прывычны,
Не ваююць бо там, а ўсё па законах ствараюць.
Дзе не зможа адзін сваім страхам ва ўгоду,
Кінуць лёсы людзей і планеты у пекла вайны,
Бо там права жыцця, як і думак, належаць народу
І рашэнні урада, канешне, краіне відны.
Так, я цягам жыцця не знайшоў маё месца ў свеце.
Дзякуй лёсу, што даў мне пажыць без цара!
Пралятаюць гады і змяняецца ўсё на планеце,
Верце! Час перамен і да нашага прыйдзе двара!
Выява будучынi
© Copyright: Станислав Шастак, 2023
Свидетельство о публикации №123020800113
Свидетельство о публикации №123020800113
Рецензии