Бир ариуду бюгюн кёк кюнбатышда:
Минчакълача тизилип булутчукъла
Созулдула кёкде таула башында,
Ашхамда уа къызылдым боялдыла.
Мычымайын кёк да отча къызарды,
Булутла да тюк-тюк болуп кетдиле,
Бирчиги уа жангызлай анда къалды,
Тюшгенча уллу ёртенни ичине.
... Ма бюгюн а бизни элде бир юйде
Жангыз жашындан бошап, таулу ана
Олтурады кюнюм батды деп кюе,
Жюреги да отда кёмюрча жана...
Ингирде...
© Copyright: Аминат Рахаева, 2023
Свидетельство о публикации №123020505234
Свидетельство о публикации №123020505234
Рецензии