ЗАСТАНЬСЯ, РАДАСЦЬ ДЗЁН ШЧАСЛІВЫХ…
леанід ПРАНЧАК
Застанься, радасць дзён шчаслiвых,
Хоць дождж, хоць дым
Бягуць, спяшаюцца iмклiва
Мае гады.
Праз недарэчнасцi i смутак
Адходзяць прэч.
Застанься, свежасць незабудак,
Цяплом сустрэч.
Хоць свет ліхі i мiтуслiвы,
Ды не скулю.
Застанься, яснасць дзён шчаслiвых,
Бо я люблю.
Гляджу з акна на снег счарнелы.
І смех і грэх,
Бо помню я, якім ён белым
Быў гэты снег.
13.02.2022
Застанься, радасць дзён шчаслiвых
© Copyright: Леонид Пранчак, 2023
Свидетельство о публикации №123020503653
Свидетельство о публикации №123020503653
Рецензии