Хаты пакрытыя студзеньскім снегам,
Грэюць зіму ліхтары.
Вечар з адлігай пранёсся з разбегам
Па засмучоным двары.
Вырас за ноч снегавік пасівелы,
Радуе позірк дзяцей.
Выткала неба ручнік белы-белы,
Косы са снегу пляце.
Сённяшні снег, нібы мроя з дзяцінства:
Як я яго сустракаў!
Сотні сняжынак, спавітых адзінствам вальса
Кранае рука.
Лыжы чакаюць лыжні і забегу --
Заўтра настане іх час.
Я пракладу па бялюткаму снегу
След нечаканы да Вас.
Зiмовы след
© Copyright: Валерий Познякевич, 2023
Свидетельство о публикации №123012908148
Свидетельство о публикации №123012908148
Рецензии