Сэрца стамілася біцца --
Воля пакінула цела.
Дыхае прышласцю піца --
Думка ад сцен звар'яцела.
Гэта паэт беларускі
Рве пазюрамі старонкі
Шляху, дзе Пушка стаў Пушкін,
Дзе нашай памяці крокі.
Што ж Вы, маўклівыя людзі,
Хочаце новага зведаць?
Праўда маўчанне не будзіць --
Праўда жыве ў нашых ведах.
Веды знішчае сістэма --
Памяць не дадзена людзям.
Кнігі -- асобная тэма:
Больш выдавецтваў не будзе.
Гэта ж так лёгка і проста --
Сцерці шляхі да свабоды:
Думкі змяшаць з каростай,
Стылем прыкрыцца моды.
Капаць на мозг з экрану,
Думкі цкаваць сістэмна.
Так вырастае рана
І памірае тэма.
23.01.2023.
***
© Copyright: Валерий Познякевич, 2023
Свидетельство о публикации №123012509183
Свидетельство о публикации №123012509183
Рецензии