Низ апайда вуна шадвал,
Гьелбетда, ви к1ани ярдиз.
Вуж я къведайд акваз садвал,
Разивилелд ви дидардиз...
К1аниди я, к1аниди я,
Дерт дуьгуьмни алцумдайди.
Адан фагьум къениди я,
Ви цуьквед багъ эч1едайди.
Гьина ава зи к1аниди,
Яргъал, мукьвал - вуч я мензил?!
Зун тухуда зи маниди,
Ашкъи аваз рик1е къизил.
Садрани гьич тахьуй курвал,
К1анибурун арада гьич.
Дуьнья ят1ан фидай кьурвал,
Фитне тавуй чарада гьич.
Дуьнья сад я, муьгьуьббатни,
Жедач инсан ашкъи такур.
Темен тагай тахьуй садни,
К1анибур хьуй, са бахт акур.
КIанибуруз
© Copyright: Нажмудин Шихнабиев 2, 2023
Свидетельство о публикации №123012306568
Свидетельство о публикации №123012306568
Рецензии