Хабарсуз зи кьуьд элкъуьрна гатфариз,
Заз ашкъидин назиквили туьмернай.
Заз ак1 хьанай, яб гайила гафариз,
Муьгьуьббатдин тахт багъишиз эвернай.
Фенай рик1елай мад хкверди саврухар,
Рагъни варзни са геренда к1евирдай.
Ачух цавуни авуна къукърумар,
Назиквилин гелни галаз туьхуьрнай.
Ц1ай амачир къайи къул хьиз хьана рик1,
Секинвал амач, санал къвезвач кьарай.
Бес гьикьван хьуй сес амачиз зун гъарик1,
Низ арзайин, ничхирди хьиз я гьарай...
Гьиниз фена тавазивал виликан,
Гафар-ч1алар руьхъ хьана ашкъидин ц1ал.
Тахсир кват1а, гудани ви вилик чан,
Дердер-гъамар гадардани рагъулриз вац1ал!
Гатфарни кьуьд алчударна завалди,
Кудани бес зайиф хьайид мусалди...
Кудани бес...
© Copyright: Нажмудин Шихнабиев 2, 2023
Свидетельство о публикации №123011300837
Свидетельство о публикации №123011300837
Рецензии
