Дзякуй Богу — мароз на Раство!
Сыпле зоркі Анёл на дарогу.
І такое вакол хараство,
Што адно ў галаве: дзякуй Богу!
Цішыня і празрыстасць наўкол.
І такое высокае неба!
Дыямантамі свеціцца дол,
І табе ўжо нічога не трэба.
Толькі ціха прапець: Алілуя!
І сказаць у прастор: Нарадзіўся!..
І стаю я за вёскай. Пяю я!
Святлом Божым і я аднавіўся...
На Раство
© Copyright: Валерий Хотеев, 2023
Свидетельство о публикации №123010700767
Свидетельство о публикации №123010700767
Рецензии