(Мани)
Къизил ранг гваз атана зул,
Дарих хьанвай рик1ер шадиз.
Кул гваз къекъвез,дерени т1ул
Багъищзава зар-зибадиз.
Припев:
Цава шад я варзни гъетер,
Чилел акваз гурлу мехъер.
Заз хъуьрезва вили вилер,
Вун себеб яз,къизилдин зул.
Къизилдин зул,къизилдин т1ул,
Вири рангар ваз ганва бул.
Бахтлу ая гьар садан къул,
Берекатлу къизилдин зул.
Припев виликанди:
Вуч гуьзел я къизилдин ч1ул,
Аватай махпурдал къацу.
Къавах пешер-гимишдин пул,
Рик1 ацукьайд жуваз къачу.
Припев виликанди:
Лувараллаз дурнайрин вун,
Мугьман хьана чаз,зарлу зул.
Хуш я чаз на няметар гун,
Гьакьван заха, къизилдин зул.
Припев:
Къизилдин зул
© Copyright: Нажмудин Шихнабиев 2, 2023
Свидетельство о публикации №123010508270
Свидетельство о публикации №123010508270
Рецензии