Дзе б ты ні быў: у Воршы, або ў Глуску,
Не выракайся мовы і Айчыны.
Пагавары са мной па-беларуску,
Краніся слова сэрцам добрым, шчырым.
У ім жыве крупінка боскай веры,
З якой на глебе прарастае слова.
Краніся мовы, адчыні ёй дзверы,
Каб вольных дум не згінула аснова.
З ёй маладых на пакуце садзілі --
Жадалі ім дастатку і кахання.
У мове б'ецца вечнасці гадзіннік,
Што праганяе стрэлкамі адхланне.
Калі табе самотна і тужліва --
Згадай у думках матчыныя словы.
Яны цябе прыгорнуць беражліва
Да Беларусі вытканай асновы.
21.12.2021.
Не выракайся
© Copyright: Валерий Познякевич, 2022
Свидетельство о публикации №122122103374
Свидетельство о публикации №122122103374
Рецензии