Нішто не сагравае так душу,
Як сэрца любай і яе дыханне.
Я ў неба боскай міласці прашу
Для ўзнёслага і светлага кахання.
Малюся, каб любові боскай крыж
Крануўся нас і ўсіх людзей на свеце,
Каб беларускі ўдумлівы Парыж
Квітнеў вясной і прачынаўся ў леце.
Каб кожны з нас каханне абярог,
Пачуцці накапіў, а не растраціў.
Каб веру нашу паядноўваў Бог,
Даў ёй магчымасць жыць у кожнай хаце.
Яшчэ дабра і радасці прашу,
Каб у любові вырасталі дзеці.
Нішто не сагравае так душу,
Як сэрца любай лепшае на свеце.
21.12.2022.
Сэрца любай
© Copyright: Валерий Познякевич, 2022
Свидетельство о публикации №122122103345
Свидетельство о публикации №122122103345
Рецензии