Сивел мили хъвер алай руш,
Икьван назик акурди туш.
Икьван гагьди такваз ерли,
Вун гьинавай, гуьзел Лейли?
Гьейранарна зун ви хъверди,
Гила вучда за, иерди!!!
Туш зун Керем,вун яз Эсли,
Заз к1ан я ви са хъвер, Лейли.
Нур аватай ч1улав вилер,
Шумудан ханат1а рик1ер?!
Зи рик1ени тамир хирер,
Ашукь хьанва зун вал, Лейли.
Шаирдинни назик я рик1,
П1узарралай ви хъвер хьиз ик1,
Хатадайни хаз тахьуй рик1,
Кьефесда хьиз авай Лейли.
Зун ашкъиди тавуй дили,
Муьгьуьббат къачунач гъили.
Рик1икай к1вахь тавуй т1или,
Вун гьатнавай, к1ани Лейли.
К1ани Лейли
© Copyright: Нажмудин Шихнабиев 2, 2022
Свидетельство о публикации №122121706753
Свидетельство о публикации №122121706753
Рецензии