Пакуль цячэ, бруіць крыніца --
Датуль не згіне наша вера.
Бо вера -- боская царыца.
Яна трымае шлях наперад.
Ці не таму вада святая
Цячэ ў Заслаўі з дзён мінулых
І да жыцця людзей вяртае,
І тчэ надзей зямныя думы?
Што ёй зіма з ільдом ды снегам?
Хіба ж мароз яе супыніць?
Вада спяшае з дзён разбегам,
Каб думкі ў збан вялікі выліць.
Пакуль цячэ, бруіць крыніца --
Датуль не згіне наша вера.
Бо вера -- боская царыца.
Яна трымае шлях наперад.
08.12.2022. Заслаўе
Крынiца
© Copyright: Валерий Познякевич, 2022
Свидетельство о публикации №122121606702
Свидетельство о публикации №122121606702
Рецензии