Вочы твае -- генератар святла:
Магія шчасця і сонца пяшчоты.
Я ў іх праменнях згараю да тла
І адчуваю душою іх дотык.
Ведаю, сэрца тваё не маўчыць,
Нават калі паміж намі маўчанне.
Паберажы для кахання ключы:
Рыфмаў сваіх і пачуццяў гучанне.
Паберажы для любові настрой --
Стань для вясны яе званай сястрою.
Побач з чаромхаю белай пастой
І не цурайся зімовага строю.
Проста -- жыві дзеля гэтай вясны
І той надзеі, што мары ўздымае.
І прылятай у паэтавы сны
Разам з птушынаю песняй у маі.
12.12.2022.
Алене
© Copyright: Валерий Познякевич, 2022
Свидетельство о публикации №122121407722
Свидетельство о публикации №122121407722
Рецензии