Гэта проста: гэта вельмі проста --
Знішчыць мову, спаланіць людзей
І забіць нязгодных куляй гострай,
Што жыццё зямное ў іх скрадзе.
Гэта проста: гэта вельмі проста --
Падмяніць паняцці і закон,
Заразіць увесь народ каростай,
І прымусіць біць цару паклон...
Гэта проста: гэта вельмі проста --
Перакрыць мяжу, стварыць рэжым,
Ды зрабіць гару да неба з костак,
Каб збялелі могілак крыжы.
Гэта проста... Гэта вельмі проста --
Прамаўчаць, калі на твой народ
Цар-звырод сваю абрынуў помсту
І знішчае генетычны код.
12.12.2020.
***
© Copyright: Валерий Познякевич, 2022
Свидетельство о публикации №122121407674
Свидетельство о публикации №122121407674
Рецензии