Накь гайи гаф хиве такьаз,
Зун тейижир инсандай кьаз,
Накь ачух рак агална таз,
Яраб вучиз ик1 жезват1а?..
Кьур кьинерни алатна фад,
Рик1е амач ашкъидин дад,
Низ ялварда дуьньяда мад,
Яраб вучиз ик1 жезват1а?..
Ачух чинни хьайила ч1ур,
Амачирла вилера нур,
Мад к1амачт1а, лагьана тур,
Яраб вучиз ик1 жезват1а?..
Накь зи рик1ни тир хьи ак1 шад,
Заз хъуьт1уькай хьанвайла гад,
Ат1ана хьи рик1ин са пад,
Яраб вучиз ик1 жезват1а?.
К1анивилин пар эх тахьун,
Кайибурун жергеда тун,
Хаинвилин тарс ят1а гун,
Яраб вучиз ик1 жезват1а?..
Зазни к1андай зи яр галаз,
Уьлчуьдай физ рахаз,къугъваз,
Бес к1аниди вилиз такваз,
Яраб вучиз ик1 жезват1а?..
К1аниди югъ, зун хьанан йиф?
К1анда лагьай гафар гьайиф,
Гьиниз фена зи лацу лиф...
Яраб вучиз ик1 жезват1а?..
Вучиз вун зав хьанват1а хъел,
Къвезвачни гьич са гаф мецел?
Зун к1анид тир вазни эвел,
Яраб вучиз ик1 жезват1а?..
Яраб вучиз ик1 жезват1а?..
© Copyright: Нажмудин Шихнабиев 2, 2022
Свидетельство о публикации №122121000406
Свидетельство о публикации №122121000406
Рецензии