***
«Энди кёрюшюрюк тюйюлбюз, - деп, - биз», -
Алай кетдинг тасха жашагъан кёкге.
Алай ол кюн бирге эдик экибиз,
Болурму ол балхам сууукъ жюрекге?
Кёлюм сынып, суууп къалды жюрегим:
Къалай чыдап турдунг сен боранлагъа?
Айырылдыкъ, керек болду эрлигим,
Кюлюр болум бермез ючюн жаулагъа.
Кёпге да алдандым, баям, жашлыкъдан,
Башымдагъы оюмларым шагъатла.
Былай баргъан жетемиди къартлыкъгъа?
Учар ючюн керекдиле къанатла.
Байтуугъан улу Исмаил
Энди кёрюшюрюк тюйюлбюз, - деп, - биз...
© Copyright: Исмаил Бейтуганов, 2022
Свидетельство о публикации №122120900239
Свидетельство о публикации №122120900239
Рецензии