Чан ширин яр, катмир гьич вун,
Зи хиялрай лап яргъариз.
Зи мурад я гьар къуз акун,
Хутахин вун чи дагълариз.
Ви вилерай аквазва заз,
Муьгьуьббатдин ц1ун ялавар.
Гьич ви хатур к1андач хьи хаз,
Ширин я ви мез дилавар.
Ви суьгьбетрин жедач а кьил
К1анивилин ц1елхемрикай.
Ви манийрихъ гала зи вил
Ашкъидин ц1ун дердерикай.
Гъил зав гице, чан к1ани яр,
Фин къеледиз бахтар авай,
Чазни ава пак мурадар,
Кьисмет жедай вахтар авай.
Гъил зав гице...
© Copyright: Нажмудин Шихнабиев 2, 2022
Свидетельство о публикации №122120508033
Свидетельство о публикации №122120508033
Рецензии
