Хто застанецца, калі з'едуць лепшыя?
Каго народзіць мёртвая зямля?
Хіба ж абудзіш тых манкуртаў вершамі?
Яны рабы, што выраслі з нуля.
Хто застанецца, калі квецень нацыі
Не набрыняе новаю вясной?
Не ўздыме гонар Беларусі працаю,
І паламае на вадзе вясло?
Хто застанецца, калі мову вынішчаць,
І перапішуць кнігі пад сябе
Манкурты з Магілёва, або Глінішак,
Што не былі ніколі на сяўбе.
Хто застанецца жыць з ідэй вар'ятамі,
Каб праслаўляць нягеглы іх устой,
Дзе толькі краты з думкамі распятымі
І ў шынялях ваенных доўгі строй.
02.12.2022.
Хто застанецца
© Copyright: Валерий Познякевич, 2022
Свидетельство о публикации №122120408081
Свидетельство о публикации №122120408081
Рецензии