Авачирт1а вун дуьньяда,
Зун нихъ галаз таниш жедай,
Югъди-йифди шиир кхьиз,
Зун нихъ галаз вердиш жедай.
Жагъана заз вун яргъарай,
Нини хьтин гуьзел са руш.
Гьакьван ширин мез сивевай,
Яд уьлкведай гъай т1авус къуш.
Хиял я ви кьисмет хьун бахт,
К1анид галаз гьатай рик1е.
Квез я къизил, пачагьдин тахт,
Муьгьуьббатдин авай рекье.
Анжах ашкъи, гьевес я гьахъ-
Уьмуьр нурлу ийизвай рагъ.
К1аниди хьун жуван къвалахъ-
Гьа им тушни женнетдин багъ.
Авачирт1а вун, низ кхьидай
Шиирра гьиссерин ц1арар...
Вун чир хьайи сифте къалай
Жегьил хъхьана зун к1ани яр.
Авачирт1а вун...
© Copyright: Нажмудин Шихнабиев 2, 2022
Свидетельство о публикации №122120307928
Свидетельство о публикации №122120307928
Рецензии
