Ваенны хлеб быў з лебяды,
Ці з крапівы, з сырых апілак…
Ваенны хлеб быў хлеб бяды,
Вайна яго з бяды ляпіла.
Ваенны хлеб быў не такі,
Як ты прывык купляць у краме,
Мясіла з лёгкае рукі
Яго дзяўчо, каб выжыць маме…
Ваенны хлеб з карою дрэў…
(кару малолі з жалудамі…)
Яго з ахвотай хлопчык еў
Галодны тонкімі рукамі…
Ваенны хлеб са смакам слёз…
Яго акраец быў спасеннем,
Выпрабаваннем, калі лёс
За смерць не просіць прабачэння.
Ваенны хлеб, яго не раз
Успамінаў мой дзед з дакорам…
- Мір беражыце! - даў наказ, -
- Каб хлеб ваш быў без смаку гора.
Ваенны хлеб
© Copyright: Людмила Воронова Супрун, 2022
Свидетельство о публикации №122120108829
Свидетельство о публикации №122120108829
Рецензии