Хуэзгъэдэн щымы1э 1эдииху! Несравненна башня Адиюх

Мадина Гошокова-Джумаева
Хуэзгъэдэн щымы1э 1эдииху!
Къытек1уэн дэхагък1э сымыгъуэт.
Инжыдж псыхъуэр дыгъэу къигъэнэхуу,
Нур къыпихым псэр кърегъэлъэт!

Хуэзгъэдэн щымы1э 1эдииху!
Нарт чэщанэу псэм къытолъэщ1ыхь!
Лъэмыжышхуэр и 1эм игъэнэхуу,
Вагъуэ абгъуэ гущ1эм ирещ1ыхь!

Дыгъэ зырщ къыбдэфэр, 1эдииху!
Мывэу уафэм нэс узэщ1олыдэ.
Дыщэ пхъуантэу уоблэ нэхур щыху,
Сыпхуезэшу сигу укъыполъадэ.

Хуэзгъэдэн щымы1э 1эдииху!
Нур къыпихыр дауэ къэс1уэтэн?!
И къабзагъым сф1эф1у сытетхыхьыу,
Хузэф1ок1ыр псэр игъэлъэтэн!

Щы1экъым уэр хуэдэ, 1эдииху!
Пшэхэм уащ1ыр нэхъри уэ нэхъ дахэ!
Усэу жыс1э пэтми, схуэмыух,
Гур хогъахъуэ! Уогъэбжьыф1э Лъахэр!

22.11.2022гъ

@Мадина Гошокова


© Copyright: Мадина Гошокова-Джумаева, 2022
Свидетельство о публикации №122112108737
Список читателей / Версия для печати / Разместить анонс / Заявить о нарушении
Другие произведения автора Мадина Гошокова-Джумаева
Рецензии
Написать рецензию
Другие произведения автора Мадина Гошокова-Джумаева