Мы разам з табою адчулі адно дыханне.
З ім сэрцаў біенне ўзлятала да вечных нябёсаў.
Кранулася целаў і думак зямное каханне.
Надзея Сусвету з'ядналася з нашым лёсам.
Мільёны праменняў у нашыя сэрцы імчалі
З далёкіх сузор'яў, што вочы краналі паглядам.
У гэтую ноч нас анёлы дваіх павянчалі.
Мы лёталі з імі. Ніхто да зямлі з нас не падаў.
Святло напаўняла пачуцці духоўную сілай.
З ёй вера кахання, нібыта вясёлка, зіхцела.
Ты ўбачыла шчасце, якога ты ў Бога прасіла.
Каханне ўзняло твае крылы, напружыла цела.
Як лёгка ляцець, калі бачыш у небе дарогу,
Якая праменнямі фарбаў малюе надзею..
Хто словам не верыць -- забудзьце сваю трывогу!
Вас песня кахання пакліча да новых дзеяў.
14.11.2022. Мінск
Песьня кахання
© Copyright: Валерий Познякевич, 2022
Свидетельство о публикации №122111803172
Свидетельство о публикации №122111803172
Рецензии