Няма ніякае падставы,
Каб не любіць мне горад свой.
Мае прыгожыя Паставы
Чаруюць летам і зімой.
Як на Гарбарцы ўлетку цесна,
Калі цымбалы там гучаць!
Не кожны знойдзе сесці месца,
Камусьці трэба і пастаяць.
Удаль над Гарбаркай разаслаўся
Прыпевак новых звонкі жарт.
І скрыпак плач, і гукі вальса
Над рэчкай Мядзелкай гучаць.
Ну, а калі кірмаш Пастаўскі
Збірае восенню людзей,
Тавараў розных і прысмакаў
Хапае на ўсіх гасцей.
Тут латарэю разыграюць,
Завуць прысмакі частаваць,
Усе калектывы праслаўляюць,
Са сцэны песняй весяляць.
А Новы год на нашай плошчы
Так любіць моладзь сустракаць.
Наўкол будынкі, што ёсць моцы,
Усе агнямі зіхацяць.
Схіліўшыся ў дрымоце вечнай,
Аповяд дрэвы свой вядуць,
А векавы спакой над рэчкай
Царква з касцёлам сцерагуць.
Мае Паставы
© Copyright: Татьяна Куцухо 2, 2022
Свидетельство о публикации №122111708020
Свидетельство о публикации №122111708020
Рецензии