Яраб,дуьнья,шумуд вуна ханат1а,
Яраб,дуьнья,шумуд вуна канат1а...
Жегьил рушар дак1анз гъуьлуьз ганат!а,
Чиг гадайриз такур сусар гъанат1а...
Хажалатдин парар рик1е хьайила,
Эсли Керем халкьдин сиве хьайила,
К1анибурун дидар гъиле хьайила,
Акуначни кьисмет геле хьайила.
Михьи гьиссер рик1е авай кана на,
Атир галай цуькведиз к1ур гана на,
Къени рекье авайдан кьил хана на,
Ашкъидин цуьк уьленда куьз цана на.
Дуьнья,дуьнья, кьил акъатун четин я,
Ви терсеба хияларни кешкин я.
Бес вучиз вун икьван гагьда секин я,
Муьгьуьббатдин гьалар вучиз къиргъин я?
Агь,дуьнья,дуьнья, апая кван бахтар,
Аквадайвал т1ямни бес тир кьван вахтар.
Чаз герек туш пачагьрин кьакьан тахтар,
Кьилиз акъатуй чи гьар садан къастар.
Агь, дуьнья, дуьнья...
© Copyright: Нажмудин Шихнабиев 2, 2022
Свидетельство о публикации №122110708128
Свидетельство о публикации №122110708128
Рецензии