Спяшаю ў светлы, чысты май,
Каб расквітнець душою.
Мой май! -- Мацней мяне трымай
І не сціскай мяжою.
Жыву без межаў шмат гадоў --
Навошта людзям межы?
Калі ты край любіць гатоў --
Ты ўсёй зямлі належыш.
Не стане вольным чалавек
У тым замкнёным часе.
Сляза пральецца з-пад павек,
Завяне кветка ў вазе.
Як проста з воляй Бога жыць:
Цаніць сваё, чужое...
Мой май па ўсёй зямлі бяжыць --
Цяпер нас з маем -- двое.
Хто волю думкі зразумеў --
Да бегу далучайся,
Каб белы май надзею меў
І болей не сканчаўся.
19.09.2022. Заслаўе.
МОЙ МАЙ
© Copyright: Валерий Познякевич, 2022
Свидетельство о публикации №122102505696
Свидетельство о публикации №122102505696
Рецензии