Не проста выказаць пачуцці,
Калі яны з вясной квітнеюць.
А той, хто здолее пачуць іх --
Даўно жывое слова спеліць.
Ёсць у душы жывіца думак,
Што роднай моваю завецца.
Яна -- для нацыі ратунак
І для майго з Айчынай сэрца.
Краніся думкай роднай мовы --
Яна цябе пакліча следам
У Храм святы, прыгожы, новы,
Каб ты пяшчоту гукаў зведаў.
У мове нашай ёсьць малітва,
Што сэрцы нацыі яднае.
Яна -- заступніца ў час бітваў,
Як Багародзіца святая.
Пакліч яе душэўна, шчыра --
Малітва ў небе адзавецца
І паляціць па-над Айчынай
На крыллях дзён, што грэюць сэрца.
21.10.2019. Заслауе
Жывiца думак
© Copyright: Валерий Познякевич, 2022
Свидетельство о публикации №122102505686
Свидетельство о публикации №122102505686
Рецензии