Сейда акур фагъир гада къах хьана. 79

Патар хьайи, ямах алай ямахдал
Пекер алаз, кук1вар хьайи бап1ахдал

Са виш пине алк1урна са саяхда,
Хъуькъвераг са акъатзава булахдал.

Чумахъдивди чил гатаз, вич п1иркьи хьиз,
Сес перишан я, зурзазвай мекьи хьиз.

Гьарайзавай Сейда, Сейда къанихдиз,
Гагь "це яда" ван къвезавай язухдиз.

Гьа и саягъ Мумин хуьруьз акъатна,
Инал-анал ацукьзавай галатна.

Гьарда вичихъ авай гьалал пайзава,
Гьар куьчеда Мумина гьарайзава.

"Це яда-Сейда" Тикрарзавай гададин,
Сес атана, язух хьана Худадиз....

Ван галукьай рушак зурзун акатна,
Эсер хьана, рик1 дабандиз аватна.

- Баде, вучти ванер ава куьчеда,
Зи япариз къвезва сесер ишедай.

- Ам куьчейра хъуькъвезвай са кесиб я,
Фагъир аял, са чантадин сагьиб я.

Эвер це, чан баде, язух инсандиз,
Суфра к1ват1ин, атурай чи айвандик.

Эвер гана къариди фад бендедиз,
- Гьик1 акъатна, я хва, вун чи уьлкведиз?

Гьинай я вун, гьинва ви к1вал, ватанни?
Лагь бала чаз хьайит1ани заланни.

Авагъна рик1 сеймиш авур жегьилдин,
Ахъайзава вичикай лап сефилдиз.

Эх тахьана руш акъатна виликди,
Килигзава нагъв алахьиз назикдиз.

 Сейда акур фагъир гада къах хьана,
Идакай гил заз са гъвеч1и мах хьана.

Шехьзава кьве жегьил гьатна къужахда,
Шукур Аллагь, зани гила дамахда!

Гьар са кардизни авайди кьадар я,
Къамат гудайди адазни гъуцар я.

Хийир-дуьа авун идаз минет я,
Виридалай багьади чаз гьуьрмет я!