Магутны наш Божа, ад суму-маркоты
На грэшнай зямельцы ўратуй! –
Мы молімся ў храме з любоўю, з пяшчотай
За шчасце дзяцей і матуль.
Мы Троіцу просім і Маці Святую
Нам душы сагрэць, акрыліць.
Святар настаўляе на сцежку прамую,
Евангеллем вучыць нас жыць.
Як толькі званар дакранецца да звонаў –
Ляціць перазвон да нябёс,
І поўніцца ўся ім прастора Гаподня,
І чуе малітвы Хрыстос.
Малітвы натоляць усіх чысцінёю,
Запаляць у сэрцах святло,
Сагрэюць нам душы святою любоўю,
Навучаць не помсціць за зло.
І сёння, і заўтра мы будзем маліцца
Прад вобразам светлым Тваім,
З надзеяй і верай трохперсцем хрысціцца,
І кленчыць прад Лікам Святым.
Яшчэ на крыжы Ты прабачыў зладзеям
Ім літасці ў Бога прасіў.
Пакінуў нам Вечнасці светлай надзею
І веру ў жыццё ўваскрасіў.
Светлая вера
© Copyright: Валентина Кульбеда -Бакунн, 2022
Свидетельство о публикации №122102001476
Свидетельство о публикации №122102001476
Рецензии