Ничхирдизни дагъларикай т1ям гудач,
Тек хьайит1а вичин ери-бинеда,
Жегьилдизни я гьевес-илгьам гудач,
Ашкъидикай душман хьайи береда.
Билбил тахьай дагъ-дере низ герек я;
Шадвал квахьай, юхсул хьайи алем хьиз,
Ашкъидин ц1ай гьисс тавурди хенек я,
Бегьер тагур, кьуразавай къелем хьиз.
Ашкъидикай магьрум хьайи бендедиз,
Кьарай квахьна, цацар кьула муг жеда.
Яб гайит1а уюндизни, гьилледиз,
Акваз-такваз лифни чинеруг жеда.
Руш акурлай, к1алубар къаш-къаматна,
Ялавди кьур рик1из бегьем сафа я!
Ваъ лагьайт1а, жув жувакай къакъатна,
Гуьгьуьл квахьна, амукьарди жафа я.
Вуч авурай, бегьем зигьинкур хьана,
Аман и гьал душмандизни такурай.
Ахвар квахьай йифекайни сур хьана,
И т1ални тек цававайдаз акурай.
Кериман гьал акурди бейчара я,
Дарман тежез хуравай рик1 дар жеда.
Зун атай гьа югъни уьзуькъара я,
Хьаначирт1а зазни к1ани яр жедай.
Билбил тахьай багъларни низ герек я 64
© Copyright: Магомед Мирзоев Мирзой, 2022
Свидетельство о публикации №122101607569
Свидетельство о публикации №122101607569
Рецензии