* * *
Чиркин гъвелни квачир,михьи ниятдал,
Шив атана акъвазнай куь гьаятдал.
Акатайдаз ам жагъидай бахт тушир,
Видни акьван чагъиндавай вахт тушир.
Ц1игел тир гьамиша авунихъ туьмер,
К1ан хьанай ваз адал алук1из кьенер.
Кав квачиз кьунай на адан суй- абур,
Азад шив-гарун тай,гумрагь такабур !
Ви терсвиляй ам туьнт хьана кхуннай,
Кьил туьк1вейнахъ элкъвена ам ц1утхуннай.
Баж тагана къулай тушир чайлахдиз,
Хъфенай ам вичиз туьк1вей яйлахдиз.
На фикирнай ам са гьак1ан ябу я,
Адаз анжах чизвайди куь къапу я.
сонет
© Copyright: Сейфудин Шахпазов, 2022
Свидетельство о публикации №122101606321
Свидетельство о публикации №122101606321
Рецензии