Зав рахамир гила, рушар,
Заз зи к1ани яр авайд я.
Авач адаз куьн сад ухшар,
Гуьрчегвилин ад авайд я.
Мез ширин вирт, акьул дерин,
Ихьтин яр я зи к1аниди.
Чим гудай заз юкъуз серин,
Сагъ хьуй,яллагь, вич хайиди.
Вич акурла фидай темягь,
Зи хиялрин хьайи панагь.
К1ан хьана заз и руш валлагь,
Амукьна зун, ат1ана пагь.
Т1варни гуьзел, вични гуьзел,
Рик1ел къвезва мани, гъезел.
Ширин гафар алаз мецел,
Къаршидиз зун физва гъенел.
Гьатна рик1е к1ани ярни,
Хияларни тирт1а дарни,
Сагъ хьана зи рик1ин т1ални,
Ат1ана за ярдиз ч1ални.
Зи ярдиз
© Copyright: Нажмудин Шихнабиев 2, 2022
Свидетельство о публикации №122101500295
Свидетельство о публикации №122101500295
Рецензии