***
Дзве зоркі на небе: на ўсходзе й на захадзе.
А хмаркі плывуць, пакрываюць усход.
І толькі каліна акно маё драпае,
Нібыта праводзіць сумбурны мой год.
І дзень мой сумбурны са мной прачынаецца,
Хоць я і не клаўся, здаецца мне, спаць.
І я разумею, што ўсё пачынаецца,
Каб блытаны год у няспешнасць узяць.
Кахаю мацней, усё болей кахаю
І Богу за гэта аддзячу радком.
Я самы шчаслівы свой год пачынаю
Апалым з каліны саспелым лістком.
Пакровы. І свеціцца недзе над храмам
Усмешка Марыі – калінавы ліст.
Я ўдзячны Ёй вельмі, і ў ногі ўсім мамам
Хачу пакланіцца, нібыта артыст.
14 кастрычніка 2022 г., Радашковічы, у 4. 54 раніцы.
Дзве зоркi на небе на усходзе й на захадзе...
© Copyright: Юрий Боровицкий, 2022
Свидетельство о публикации №122101400793
Свидетельство о публикации №122101400793
Рецензии