Сёння ў Машкі нашай свята –
Тры спаўняецца гадкі.
І гасцей прыйшло багата –
Сваякі і сябрукі.
Падарылі мама з татам
Для дачушачкі сваёй
Каляровую палатку –
Будзе ладзіць гульні ў ёй.
Божага благаславення
Просяць ёй бабуля, дзед
І да свята нараджэння
Прыняслі веласіпед.
Рада госцейкам Машуня,
Вочкі весела гараць:
Хросны з хроснаю-матуляй
З падарункамі стаяць.
Смех па хаце льецца звонкі,
Дзецям рады нельга даць:
То ляцяць наперагонкі,
То ад песень не суняць.
Мармелад, зефір, цукеркі,
Пасярод вялізны торт,
Ззяюць свечкі, феерверкі –
Уражанняў на цэлы год!
Дай, Гасподзь, Марыйцы шчасця:
Яркай зорачкай свяціць,
Падрастаць у Божай ласцы
І здаровенькаю быць!
Свята
© Copyright: Валентина Кульбеда -Бакунн, 2022
Свидетельство о публикации №122101401460
Свидетельство о публикации №122101401460
Рецензии